Era parelha amorosa d’edat inegala ei un tèma de longa tradicion. Siguec un des arguments predilectes dera Reforma luterana e Cranach lo representèc fòrça soent. Era scèna conten ua intencion moralizadora: represente eth panatòri, per part d’ua gojata joena, a un vielh imprudent que pèrd eth mon de vista deuant des sòns embelinaments, mentre era ridole damb satisfaccion e cale era man ena bossa deth luxuriós.
Era òbra apertienta ath legat Cambó, ei signada e datada ath costat deth braç dera gojata damb eth distintiu der artista: un petit dragon damb es ales cap ensús.