Mair de Diu des Conselhèrs, Lluís Dalmau, sègle XV. Òli sus husta de casse, 316 × 312,5 × 32,5 cm. MNAC - Musèu Nacionau d’Art de Catalonha. Barcelona.
Eth prestigi dera cultura cortesana borgonhona e deth pintor Jan van Eyck expliquen qu’er an 1431 eth rei Anfós eth Magnanim envièsse eth sòn pintor oficiau, eth valencian Lluís Dalmau, en Flandra, a on podec conéisher de prumèra man un nau lenguatge realista.
Eth 1443, Dalmau recebec era encomana de pintar aguest retaule entara capèla dera Casa dera Ciutat. En contèxt catalan, aguesta òbra siguec prigondament innovadora peth format, pera execucion tecnica —per çò que siguec pintada ar òli— e pera eficacitat illusionista d’un espaci figuratiu en quau es cinc conselhèrs d’aqueth an, retratadi deth naturau, se representen ena madeisha escala qu’era Mair de Diu e es sants.
