Josep Llimona, Desconsòl, 1907

Considerat eth milhor escultor deth modernisme catalan, Josep Llimona fondèc damb eth sòn frair Joan eth Cercle Artístic de Sant Lluc, entitat qu’amassèc artistes de fòrtes conviccions catoliques e conservadores, coma Antoni Gaudí. Aguest grop s’opausave as idèes renovadores des prumèrs modernistes, damb normes tan estrictes coma era proïbicion deth nus.

Quan, fin finau, es membres deth Cercle modifiquèren aguesta norma, se produsic ua espelida dera escultura modernista, dera quau Desconsòl a vengut ua pèça paradigmatica. Era perfècta factura dera anatomia deth còs femenin e, fòrça especiaument, era sua actitud malenconiosa e casta contribuïssen a potenciar-ne era assignacion ath simbolisme.