Consacracion de sant Agustin, Jaume Huguet, sègle XV. Tempera, relèus d’estuc e daurat damb pan d’aur sus husta, 250 × 193 × 9,5 cm.
Eth 1463 era confraria des Blanquèrs encarguèc a Jaume Huguet eth retaule entar autar major dera glèisa de Sant Agustin Vielh de Barcelona. Es extraordinàries dimensions deth mòble, un des mès grani dera pintura gotica catalana, e era epòca de crisi que viuie alavetz eth país, endarreriren er acabament deth retaule enquiath 1486 e propicièren era intervencion de diuèrsi membres deth talhèr d’Huguet.
Se conserven ueit taules d’aguest retaule, set en Musèu Nacionau d’Art de Catalonha e ua mès en Musèu Marès. Era qualitat dera composicion e dera factura pictorica dera Consacracion de sant Agustin permet considerar-la coma òbra autografa deth gran mèstre.
