Aguest frontau ei ua representacion excellenta der art deth 1200, que se caracterizèc pera influéncia, en Occident crestian, der art bizantin renauit en sègle XII a trauès dera miniatura anglesa e der art des crotzadi. Eth frontau se centre ena figura de Maria coma Sedes Sapientiae o tròn dera saviesa, damb eth Mainatge ena pelha e costejada per quate scènes dera infantesa de Jèsus. Era influéncia estilistica de Bizanci ei perceptible en modelat esculturau des còssi, en tractament des cares en tres quataus e enes vestigis de decoracion vegetau daurada des hons. Tanben ei d’origina bizantina era posicion de Maria ena scèna dera nativitat, a on rèste miei seiguda sus un fais de palha.