Cercaire de musèus e localitats

Musèu Nacionau d’Art de Catalonha

Francisco de Zurbarán, Natura mòrta damb sièta de codonhs, 1633-1664

Natura mòrta damb sièta de codonhs, Francisco de Zurbarán, sègle XVII. Òli sus tela, 35 x 40,5 cm.

Natura mòrta damb sièta de codonhs, Francisco de Zurbarán, sègle XVII. Òli sus tela, 35 x 40,5 cm.

Quate codonhs de mida naturau destaquen sus eth hons nere, mentre un fòcus de lutz modèle, dempús dera quèrra, era fruta, que reflectís era sua color daurada ath costat deth metau dera sièta que l’acuelh. Dejós ara dreta, en prumèr tèrme, ua tela blanca. Era tela originau ei reentelada e es estudis radiografics hèn a pensar qu’un dia se retalhèc d’ua auta de mès grana entà convertir-la en un tablèu independent. Dilhèu ère un detalh d’ua scèna religiosa d’interior domestic damb ua sièta de frutes allusiva ara Redempcion, freqüenta ena produccion de Zurbarán. I a discordàncies per çò qu’ei dera cronologia. Era factura pictorica e era composicion placen era tela apròp des ans trenta deth sègle XVII, encara que tanben se poderie restacar damb es òbres dera darrèra etapa der artista.

scroll to top icon