En aguesta òbra dera Colleccion Thyssen-Bornemisza emergís eth sentiment umanista dera Reneishença italiana. Era monumentalitat des figures, eth modelatge dera lutz e er usatge dera color la placen en mès pur estil deth quate cents italian. S’a identificat damb era que Giorgio Vasari descriuec eth 1568 en casa dera familha Gondi, en Florença, quan hège part d’un triptic actuaument desmembrat, que s’a atribuït a Fra Angelico.
Era Mair de Diu, seiguda damb eth Mainatge depès sus era pelha, sosten damb era man dreta un vas damb ròses e un lir, simbòls de maternitat e de puretat. Eth Mainatge, que tanben pòrte un lir, apiege eth front sus era gauta dera sua mair. Les acuelh un tròn protegit damb un cortinatge somptuós que sostien tres àngels, deth temps que dus àngels mès seigudi en tèrra hèn a sonar un òrgue e un laüt.