Se tracte d’ua pintura de joenessa hèta per Diego Velázquez pòc abans d’entrar ath servici deth monarca espanhòu Felip IV. Aguesta òbra se considère fondamentau entar estudi dera influéncia deth realisme pictoric de Caravaggio en Espanha.
Eth sant, seigut, pòrte tunica e se corbís damb un mantèl espés. A era cabeladura escura, era barba peublanca e era cara damb prigondes arrupes. Ua aureòla de lutz ath torn deth cap declare era sua santedat. Mòstre un libre qu’indique era sua condicion d’apostòl, e dilhèu tanben era d’intellectuau o filosòf, maugrat que, naut a man quèrra, apareish ua inscripcion que l’identifique clarament: «S. PAVLVS».