Cercaire de musèus e localitats

Musèu Nacionau d’Art de Catalonha

Cibòri dera Cerdanha, de cap a 1195-1200

Cibòri dera Cerdanha, Limòtges, sègle XII. Coeire embotit, repossat, ciselat e daurat, damb aplicacion d’esmalt “champlevé”, 13,1 × 15,2 × 14 cm.

Cibòri dera Cerdanha, Limòtges, sègle XII. Coeire embotit, repossat, ciselat e daurat, damb aplicacion d’esmalt “champlevé”, 13,1 × 15,2 × 14 cm.

Es besonhs deth culte e era liturgia determinaven qu’en cada glèisa i auesse objèctes, coma per exemple copes o ben cibòris, d’un cèrt luxe, damb revestiments d’aur, argent o damb aplicacions de pèires precioses. Fòrça òbres, totun, se hègen damb metaus mès accessibles, coma eth coeire daurat e decorat soent damb esmalts. Limòtges, en centre de França, siguec un des lòcs mès importants de produccion de pèces d’esmalt en epòca romanica, e es sòns objèctes se podien trobar en fòrça lòcs d’Euròpa. Eth cibòri dera Cerdanha, deth quau se consèrve sonque eth còs centrau format per dues pèces semiesferiques encaishades, ei ua des mòstres mès ancianes dera arribada de productes de Limòtges en Catalonha e ei tanben un exemple dera portada des tendéncies renovadores deth 1200.

Dotze des dètz-e-ueit figures representades, imbèrbes e pòc individualizades, s’an identificat damb es apostòls (pòrten libre), deth temps qu’es autes sies s’a considerat que son profètes o àngels, maugrat que non an atributs clari.

scroll to top icon