Aguesta taula, a on se represente sant Candid vestit esplendidament de cavalièr, poderie auer estat ua des pòrtes deth retaule major deth monastèri de Sant Cugat del Vallès, deth quau eth Musèu Nacionau d’Art de Catalonha tanben presèrve era Degolhacion de sant Cucufat. Aguestes son es uniques òbres que se conserven d’Ayne Bru, ua des figures mès relevantes dera pintura deth cinc cents catalan, artista itinerant, d’origina e formacion centre-europèa damb clara influéncia dera cultura flamenca, maugrat que coneishedor dera cultura italiana. Er aspècte cortesan e er aire umanista d’aguest sant s’a relacionat damb er estil deth talhèr venecian de Giovanni Bellini, gèrme de çò que serà era “maniera moderna” de Giorgione.