Confident, Antoni Gaudí, 1904-1906. Husta de herèisho, 104,5 × 167 × 75,5 cm. MNAC - Musèu Nacionau d’Art de Catalonha. Barcelona.
Antoni Gaudí, un des milhors arquitèctes internacionaus dera fin deth sègle XIX e començament deth XX, siguec tanben un audaciós dessenhaire de mòbles, rèishes e autes pèces decoratives de bèri uns des sòns edificis. Entàs cagires dera Casa Batlló, en Passeg de Gràcia de Barcelona, er arquitècte prepausèc un tipe de sèti, inedit enquiad aqueth moment, que cerque es formes arredonides que s’ajusten ara morfologia umana e prescindís d’entapissadi e des ornamentacions superflues dera epòca, entà deishar era forma nusa.
Gaudí siguec precursor des dessenhs ergonomics e trinquèc damb es repertòris academics, en tot anticipar-se ath dessenh industriau, coma heren d’auti arquitèctes coetanèus sòns.
