Absida de Sant Climent de Taüll, de cap a 1123

Aguest ei un des caps d’òbra deth romanic europèu. Deu era sua genialitat ara combinacion d’elements de diferentes visions bibliques —es der Apocalipsi, Isaïes e Ezequièl— entà presentar-mos eth Crist deth judici finau. Aguest apareish dempús deth hons en tot provocar un movement centrifug dera composicion, ena quau domine eth sens ornamentau des perfils e era abilitat en usatge dera color entà dar volums. Pera sua excepcionalitat e fòrça pictòrica, era òbra deth Mèstre de Taüll s’a projectat ara modernitat e a fascinat artistes des avantgardes deth sègle XX, coma Picasso o Francis Picabia.