Cercaire de musèus e localitats

Musèu Nacionau d’Art de Catalonha

Anonim castelhan, Ploranèrs, de cap a 1295

Ploranèrs, Anonim castelhan, sègle XIII (Detalh). Tempera sus pergamin aplicada a un supòrt de husta, 53 × 87,8 × 4,5 cm

Ploranèrs, Anonim castelhan, sègle XIII (Detalh). Tempera sus pergamin aplicada a un supòrt de husta, 53 × 87,8 × 4,5 cm

Aguestes taules decoraven eth monument funerari de Sancho Sáiz de Carrillo, era imatge jacent deth quau, ua talha policromada, se consèrve en Cincinnati Art Museum d’Ohio. Provien dera ermita de San Andrés de Mahamud, en Burgos.

Es ploranèrs o ploramòrts, un des elements decoratius de mès succès en tombes d’epòca gotica, portauen un vestit de dòu caracteristic. Era sua preséncia rebrembaue eth cortègi funerari qu’acompanhaue eth defunt enquia qu’ère enterrat. Aguestes imatges de ploranèrs e ploranères representen eth moment deth dòu, eth planctus.

Es pintures de Mahamud, de traç dur e energic, se retalhen sus un hons plan. Contraste eth detalh e eth suenh der artista enes caps des figures, que luden cabeladures ondulades, damb eth tractament sense volum des còssi. En aguest cas, eth protagonisme lo prenen es vestimentes listades e acolorides des ploranèrs, que dan vistositat, atractiu e modernitat ad aguestes scènes dera epòca gotica.

scroll to top icon