Eth sistèma de transpòrt deth minerau que s’espleitaue enes mines evolucionèc ath long deth temps. A començament dera espleita, eth minerau se baishaue per mejan d’animaus de carga que lo transportauen enquias lauaders. Mès tard, se comencèren a bastir plans inclinadi, balances e cables aeriani que transportauen es mineraus enquias nivèus inferiors dera espleita e, fin finau, ath bocard.
Es balances se configurauen coma sistèmes de transpòrt aerian que foncionauen per gravetat.
Era espleita disposaue aumens de quate balances plaçades en diferenti nivèus: es balances Milagro, Desaux, Lavadero e Santa Anna.