Trobam diferenti tipes de vagonetes enes installacions minères. N’i a qu'aboquen eth minerau lateralament, e d’autes, frontalament. Mina Victòria. Musèu dera Val d'Aran.
Segons eth Plan de Labores elaborat en an 1951, ena Mina Victòria trabalhauen 215 obrèrs, e disposaue en aqueth moment, entre d'autes, de 7.530 m de vies interiores, 1 km de vies exteriores e 40 vagonetes qu'èren moigudes principauments per traccion umana. Per aguesta arrason, e entà facilitar eth movement des vagonetes quan anauen cargades de minerau, es galaries presentauen un cèrt nivèu d’inclinacion tar exterior. Aguest petit arribent servie, ath madeish temps, entà facilitar era evacuacion d’aigua.
