Es estanhs auien ua foncion ornamentau, proporcionauen frescor e permetien recuélher era aigua dera ploja, que dempús se reutilizaue entà adaiguar. Er estanh conservat en Jardin de Quintus Licinius, descorbit er an 1957, presidie eth peristil d’ua grana casa, probablament apertienta ath patrici Quintus Licinius. Ei de forma rectangular, a ua exèdra semicirculara en cada extrèm e cinc gradons en angle sud entà accedir ar interior. Actuaument se’n pòden veir dues tresaus parts pr’amor qu’eth bastiment der immòble contemporanèu empedic que demorèsse visibla era part que manque.