Town & Country num. 2, Pere Stämpfli, 1972, òli sus plafon retalhat. Fondacion Stämpfli.
Enes ans seishanta e setanta, soent era tela dera òbra d’art ei retalhada e plaçada sus un enquadrament qu’a era madeisha forma qu’era imatge e que, donques, ges dera paret. En aguest cas, es granes mesures dera òbra, quasi sacralizades, mos poderien hèr a pensar en un absida d’un temple o un autar. Ath delà, poderíem pensar qué simbolize ací eth pneumatic, sinecdòca deth coche, element qu’ena nòsta societat ei quasi ua religion entà bèri consumidors.
Aguestes òbres hèn part d’aguest moviment que se produsís a finaus des ans seishanta, era figuracion narrativa, ua branca deth nau realisme e der art pòp, que tanben se produsís en Anglatèrra e dempús enes Estats Units.
