Paysage

Vladimir Veličković (Belgrad, 1935) ei un artista iugoslau que demore en París. Viuec es atrocitats nazis pendent era Dusau Guèrra Mondiau en Iogoslavia.

Paysage ei presoèra d’aguest mon qu’eth a viscut, damb aguesta escuror, era causida des colors, era figura umana recauquilhada, estenuda en tèrra e herida.

Aguesta pèça pòt hèr a brembar es transformacions de Francis Bacon, damb aguest territòri ermàs e aguest solèr sense vegetacion, es corbassi que picassen era tèrra, e quitament aguesti horats, que deuen èster produsidi pera guèrra. Ei clarament ua òbra plaçada en un ambient tragic.