Jaune additif Denise “A”, Carlos Cruz-Díez, 2007, cromatografia
Aguesta òbra de Carlos Cruz-Díez (Caracas, 1923) ei constituïda per linhes de colors nere, vermelh e verd, traçades verticaument de naut a baish. Era proximitat des linhes e era combinacion des colors creen ues aparentes formes geometriques, entre es quaus i a un rectangle jaunós alongat que trauèsse diagonaument era òbra. Quan mos i apropam, podem verificar qu’aguest auriòu solament existís ena nòsta percepcion, per çò qu’ei ua color additiva. Era juxtaposicion des estretes linhes verticaus de colors vermelhes e verdes produsís ua vibracion optica que forme era color auriòla en nòste uelh.
