Coup de vent, Erró, 2000, òli sus tela. Fondacion Stämpfli.
Erró, nòm artistic de Gudmundur Gudmundsson (Ólafsvík, Islàndia, 1932), ei un des fondadors des Mitologies quotidianes.
Er artista recuelh retalhs de revistes, huelhetons, cartèus e diaris de tot çò que se passe en mon, e transpòrte aguesta informacion ara sua òbra e l’interprète, en un estil que hè a brembar es tecniques dera illustracion, dera publicitat o dera benda dessenhada.
Coup de vent mos mòstre ua contradiccion: era China ereua deth comunisme de Mao crompe era economia des Estats Units, país capitalista. Mao i apareish coma estatua e tanben coma bandèra. Cau plaçar era scèna en Naua Yòrk, ena auta part de Manhattan, encara damb es tors bessoes ath hons, per çò que siguec pintat un an abans der atemptat
