Tapís dera Fondacion, Joan Miró, 1979

Eth Tapís dera Fondacion, realizat er an 1979, damb era collaboracion de Josep Royo, siguec concebut entad aguest espaci.

Era òbra presente un fòrt aspècte tactil, artenhut a trauès de relèus e textures. Ua predominança des colors elementàries —eth blanc e eth nere— e era utilizacion des primaris —er auriòu, eth blu e eth vermelh—, ath costat des segondaris —eth verd, er irange e eth violeta—, formen era gamma cromatica caracteristica dera produccion mironiana d’aguesti ans.

Era hemna aucupe practicament tot eth tapís. Es sòns grani pès e era forma piramidau dera sua figura semblen levitar laguens der espaci. Ua estela d’ueit puntes e ua lua blua, color que soent atribuís ad aguest astre, configuren eth mon celèst.