Pintura (Era botelha de vin), Joan Miró, 1924, òli sus tela, 73,5 × 65,5 cm, Fondacion Joan Miró, Barcelona. Depaus de colleccion particulara.
Er an 1921, Joan Miró s’installe en París. Eth sòn talhèr, plaçat en numèro 45 dera Rue Blomet, ei contigu ath d’André Masson, a on se reünissen artistes e escrivans d’avantgarda entà discutir sus art e literatura.
Aguestes reünions son decisives entara pintura de Miró, que s’aluenhe progressivament deth realisme entà deishar pas a un mon meravelhós e fantastic.
Pintura (Era botelha de vin) mòstre ua conjuncion d’elements inconnèxi: ua botelha de vin damb un volcan, ua sèrp damb mostaches e ua abelha. Era logica que les restaque ei d’orde poetica. Totun, era libertat associativa que justifique era convivéncia armoniosa de toti es elements hè evident era crisi des genres pictorics e eth trionf dera ambigüitat: es formes angulares que dividissen era tela suggerissen ath madeish temps ua taula e un païsatge indefinible
