Cercaire de musèus e localitats

Fondacion Joan Miró

Retrat d’ua vaileta, Joan Miró, 1919

Retrat d’ua vaileta, Joan Miró, 1919, òli sus papèr sus tela, 35× 27 cm, Fondacion Joan Miró, Barcelona. Donacion de Joan Prats.

Retrat d’ua vaileta, Joan Miró, 1919, òli sus papèr sus tela, 35× 27 cm, Fondacion Joan Miró, Barcelona. Donacion de Joan Prats.

Er ostiu deth 1918, dempús deth fracàs dera sua exposicion enes Galaries Dalmau, Miró decidís imprimir un cambiament d’estil ara sua pintura. Hè alavetz un seguit de païsatges en tot sajar d’artenher-ne es mès petiti detalhs. Retrat d’ua vaileta mòstre aguesta minuciositat.

Aguesta pintura concílie dues influéncies. Era ua ei er art orientau, que segurament coneish gràcies ara estampa japonesa, fòrça popularizada alavetz e qu’ei perceptible tant en rafinament deth diboish coma ena abila simplificacion ara quau somet eth plantejament naturalista. Era auta proven des fresqui romanics, qu’inspiren era serenitat dera compausicion e ua sensacion d’intemporalitat, frut deth guardar impersonau mès prigond dera mainada, atau coma dera frontalitat, era severitat e era eficacitat d’ua paleta fòrça restringida.

scroll to top icon