Personatge deuant deth solei ei un exemple dera gestualitat contrarotlada que caracterize es pintures de Miró ara fin des ans seishanta.
Era color blanca servís de supòrt as auti, mès non i a cap zòna a on non vage acompanhada de bèra nòta cromatica o de bèth signe. Eth nere, hèt d’un solet traç e sense guaire suenh des limits, definís eth contorn deth personatge e diboishe un cercle ath sòn costat, en tot deishar un sarrelh de regòus. Era incorporacion des autes colors a fòrça en compde es divisions e es zònes liures.