Hònt de Mercuri, Alexander Calder, 1937, hèr e alumini pintadi e mercuri, 114 × 293 × 196 cm, Fondacion Joan Miró, Barcelona.
Er artista nòrd-american Alexander Calder participe er an 1937 en pabalhon espanhòu dera Exposicion Universau de París damb era Hònt de mercuri. Eth madeish pabalhon tanben presente eth Guernica de Pablo Picasso, era Montserrat de Juli González e Eth segador de Joan Miró, òbra desapareishuda en moment de la clausura dera exposicion.
Calder mòstre un gran interès pera incorporacion deth moviment ena escultura, çò que lo convertís en precursor der art cinetic.
En aguesta òbra, eth mercuri agís coma agent activador deth moviment e ret aumenatge as abitants d’Almadén, durament castigada pendent era Guèrra Civiu d’Espanha.
Calder dèc era hònt ara Fondacion er an 1975, moigut pera estreta amistat que l’unie damb Miró.
