Hemna en tot soniar era evasion, Joan Miró, 1945, òli sus tela, 130 × 162 cm, Fondacion Joan Miró, Barcelona
En aguest moment, a Miró l’interèsse simplificar ath maxim es formes sus de hons blanqui. Eth sòn lenguatge signic se consolide. Conviuen traci precisi damb pincelades expressives. Era hemna deven primordiau.
En aguesta òbra, era hemna alongue eth còth entà sajar de connectar damb eth mon celèst, damb era ajuda d’ua escala (era escala dera evasion) plaçada a man quèrra; ua evasion cap ath mon dera poesia e es sònis.
Miró destaque damb era color eth sèxe e es popes deth personatge. Ath sòn environ apareishen astres, audèths e planetes que contribuïssen ar efècte dinamic dera compausicion.
