Es referéncies de Cesana, de Van Gogh, deth fauvisme e deth cubisme se reflectissen de bèra manèra enes pintures de Joan Miró d’aguesti ans.
Ena Ermita de Sant Joan d’Horta, era libertat damb era quau Joan Miró interprète eth païsatge e era substitucion des colors reaus per colors viues l’apròpen ath fauvisme. Eth plantejament, totun, non s’i correspon exactament, e hè a pensar mès lèu en ua sintèsi personau que tanben ten compde de precèptes naucentistes, coma era sobrietat, era claretat e era preponderància dera linha.