Eth diable s’encargaue de daurir e separar es nhòcs de lan, ei a díder, hèr-ne eth prumèr pientatge.
Era lan se plaçaue sus era cinta transportadora e ère adaiguada damb ua rajada d’òli de baisha qualitat, qu'ajudaue a hèr que s'eslissèsse melhor pendent eth procès de pientatge. Era cinta introdusie era lan laguens eth calaish, a on dus cilindres dentadi pientauen era lan, que gessie, un còp cardada, per un horat posterior.
Aguesta maquina perilhosa arrecebec eth nòm de diable a causa des accidents qu'ocasionaue as trabalhadors.