Era carda mequèra s’encargaue de transformar eth vel o napa procedent dera carda dauridora en ues petites e delicades mèques.
Era napa se plaçaue plan estirada sus era cinta transportadora e, en tot seguir eth madeish procediment qu'era carda dauridora, s’introdusie entre eth tambor centrau e es tambors superiors. Era napa tornaue a èster pientada per aguesti, enquia demorar enganchada en forma de fines mèques sus ues petites pues de hèr. Aqueres mèques èren desgahetades per un aute tambor e junhudes manualament a un cilindre que s'enrotlaue en uns petiti arrodeths o plegaders metallics.