Abans, era mainadèra non auie guairi joguets, e encara mens qu'auessen estat crompadi en botigues. Jogauen sense arren o damb plan pòques causes, e soent se hègen es joguets eri madeishi. Ei eth cas d’aguesta pipa, hèta damb liròts e damb es trèti dera cara brodadi. Es liròts tanben servien a hèr d'autes causes, coma pilòtes, per exemple, maugrat que soent non ère facil disposar d’aguesta matèria prumèra! Pensatz que tot se profitaue, e dilhèu utilizar es liròts entà hèr joguets non ère ua prioritat…