Eth mobiliari dera casa soent ère hèt pes madeishi hustèrs deth territòri, en tot imitar es tecniques e estils de mòda dera epòca.
Es lhets d'acògue èren fòrça abituaus enes cases mès umiles. Compdauen quate pautes, mès o mens decorades, que suportauen ua caisha grana que se ramplie de palha o de lan, que hège era foncion de matalàs. Segons er estatus dera familha aqueri lhets presentauen mès o mens acabats e elements decoratius.