Cercaire de musèus e localitats

Ecomuseu de les valls d'Àneu

Sant Pere del Burgal

Era façada èst de Sant Pere ei encapçalada per tres absides semicirculares d’estil lombard.

Era façada èst de Sant Pere ei encapçalada per tres absides semicirculares d’estil lombard.

Sant Pere del Burgal ei ja mencionat en an 859 quan eth sòn abat, Deligat, arrecebec eth privilègi d'immunitat deth comde de Tolosa. Siguec un ancian monastèri carolingi, convertit en abadia benedictina femenina ena fin deth sègle X e pòc dempús en priorat masculin.

Era glèisa, parcialaments enroïnada, ei un bastiment romanic de tres naus capçades a autan per tres absida d’estil lombard. Se considère excepcionau laguens eth romanic catalan, pr'amor que tanben presente ar oèst un absida de dus nivèus. Dera nau nòrd encara se conserve eth mur e es arcs formerets que separauen era nau laterau dera principau. Ena nau sud s'obsèrven rèstes de dues pòrtes que comunicauen damb es dependéncies monacaus. Se pòden definir es perimètres de bères ues d'aqueres dependéncies.

Ena absida centrau s'i an reprodusit es pentures muraus originaus, qu'actuauments se tròben en Musèu Nacionau d'Art de Catalonha, atribuïdes ath Mèstre de Pedret. Destaque era mitica figura femenina que i apareish: era comdessa Llúcia de Palhars.

MAPA

scroll to top icon