Es darrèri trebalhs de restauracion auferissen ua vision renovada dera glèisa.
Era bastissa originau ère de plan basilicau, de tres naus e tres absides. Era actuau, per arrasons desconeishudes, ei fòrça diferenta. I a ua nau unica, que la hè un des pòqui casi que se n’a capvirat eth sens. Era pòrta actuau ei ena façada èst, a on ère er arc trionfau dera absida centrau, aué desapareishut. Tanpòc non se conserve era absidiòla sud.
Deth campanau de tor originau se ven es decoracions lombardes e es hièstres geminades ena sua cara oèst, mès era grana part siguec rehèta en sègle XVIII.
Laguens se conserven es següents elements romanics: ua pica aigua-senhader, ua pic d'òlis damb figurines esculpides de leones e ua magnifica pica baptismau. Grana part des fresqui muraus son en Musèu Nacionau d'Art de Catalonha e en Musèu Diocesan de La Seu d'Urgell. Se conserve tanben, intègre, un retaule reneishentista restaurat. Resulten interessantes es trobalhes apareishudes pendent era restauracion der an 2013: pentures romaniques e d'auti elements entà aufrir ua naua vision dera glèisa.
