Cercaire de musèus e localitats

Ecomuseu de les valls d'Àneu

Eth cerèr

Eth cerèr de Casa Gassia ère un espaci ideau entara conservacion d’aliments.

Eth cerèr de Casa Gassia ère un espaci ideau entara conservacion d’aliments.

Ena planta baisha se tròbe eth cerèr, un espaci hered, fòrça escur e ventilat. En non disposar de nevèra, aguest espaci ère ideau tà conservar es aliments. Ací se i sauvaue tot aquerò que se hège enes tèrres, com eth gran, es truhes o es cebes. Tanben es barriques de vin e tot aquerò que s'obtiege damb era matança deth pòrc. Ath delà, se i sauvauen arnesi tara pagesia e era cria de bestiar, recipients entà cuélher eth gran e utisi variadi.

Es “calassos” son recipients de husta que servien entà emmagazinar es diferenti tipes de grans que se hège ena zòna, basicament horment e segle. Gran qu’ena sua major part se convertien en haria enes mòles d’apròp, damb era quau se hègen es pans e es còques, basics ena dièta quotidiana.

Laguens d’ua des sales deth cerèr i a un telèr que date deth sègle XVII, damb eth quau se teishien pèces de ròba d’us diuèrs e domestic. Ua part d’aguesta produccion textila se venie en mercat locau e ua auta s’exportaue tà França.

Se pòden veir quauques pèces de mòstra, com es linçòs e es cobrelhets, qu’an estat hèti manuaument damb telèrs com aguest. A compdar des darreries deth sègle XIX e principis deth XX s’installen en quauqui pòbles dera comarca, coma Rialp, fabriques de lan damb telèrs industriaus que pòc a pòc haràn desaparéisher aguesti petits telèrs manuaus e de formats mès domestics.

AUDIOGUIA

02. Eth cerèr

Escolta l'audioguia d'aquest museu

Tots els àudios disponibles

VIDEO

OBJÈCTES

<p>Laguens deth gra&egrave;r se sauvauen es hormatges ent&agrave; evitar que se sequ&egrave;ssen e conservar-les melhor. Ecomuseu de les valls d&#39;&Agrave;neu.</p>
Graèr
Graèr
<p>Eth tel&egrave;r de Casa Gassia date deth s&egrave;gle XVII. Ecomuseu de les valls d&#39;&Agrave;neu.</p>
Telèr
Telèr
scroll to top icon