Cercaire de musèus e localitats

Ecomuseu de les valls d'Àneu

Arquitectura exteriora

Vista generau dera façada de Casa Gassia.

Vista generau dera façada de Casa Gassia.

Casa Gassia ei un bon exemple dera arquitectura pirenenca anteriora ath sègle XX. Es materiaus son es que i a en país: pèira e husta. Cau imaginar-la perbocada e blanca, coma corresponie a ua casa rica.

Ua casa ei un edifici viu que constantament ei en evolucion e transformacion, intimament restacada ara vida des sòns abitants. Es cambis sociaus, economics e culturaus hèn qu’es cases siguen un bon testimòni culturau de com an cambiat istoricament es formes de vida d’un territòri o país. Observant es murs exteriors se ven pòrtes e hièstres que semblen correspóner a nivèus diferenti des actuaus. Es formes dera bastissa an anat variant ath long des ans, en foncion dera economia e des besonhs dera gent que i a viscut.

Casa Gassia ère foncionau: ací se dedicauen ara pagesia e ath bestiar e, per aquerò, auien bòrda, palhèr, batedor e abitatge. Tanben se procurèc que siguesse polida e comòda.

Era casa non ei sonque un edifici a on víuer, tanben ei un concèpte damb eth quau s’identifique ua família o grop domestic concrèt, un grop sociau e tanben un seguit de proprietats, tèrres e bestiar qu’acaben formant un tot qu’intègre un patrimòni materiau e immateriau.

OBJÈCTES

<p>P&ograve;rta principau d&rsquo;acc&egrave;s ena Casa Gassia. Ecomuseu de les valls d&#39;&Agrave;neu.</p>
Pòrta principau
Pòrta principau
<p>Detalh dera balconada, que combine decoracion tornejada e ua cara umana en sup&ograve;rt inferior. Ecomuseu de les valls d&#39;&Agrave;neu.</p>
Balconada
Balconada
scroll to top icon