Es huches èren granes caishes de husta damb tampa a on se sauvaue eth granatge que s'auie de conservar mentre que non lo calesse mòler.
Des nombroses caishes que trobam en humarau de çò de Joanchiquet, sonque ua ei ua hucha; era rèsta corresponen a caishes de nòvia que sigueren reprofitades entà sauvar-i eth granatge.
Es caishes de nòvia s'emplegauen entà transportar e sauvar eth trocèu dera nòvia dempús des nòces. Eth trocèu podie contier ròba blanca, linçòs, mòbles, jòies, sòs, eca., en foncion dera posicion economica dera familha dera nòvia.