Era codina, un espaci de trabalh mès tanben de relacion sociau.
Era codina ère era cramba mès cauda e era mès ben illuminada dera casa quan se hège escur. Ací, es diferenti membres dera familha i podien desvolopar activitats fòrça diuèrses, coma codinar, minjar, hilar, jogar, pregar, eca. Se tractaue d’un espaci semiprivat a on anauen es vesins deth pòble, sustot pendent es longues nets d’iuèrn, quan ath torn deth gran larèr de huec s’organizauen es nomentades cahuades o reünions de vesins. En aqueres petites reünions se parlaue des notícies e des trabalhs deth dia, e es mès petiti gaudien des istòries que les explicauen es mès grani dera casa.
Ena codina, i a un petit espaci qu'ei plaçat entre eth suberbaish dera casa e era tèrra dera codina, e qu'òm denomine clòt. En aguest lòc, era familha emmagazinaue ua part dera cuelhuda annau de truhes, qu'eth sòn excedent escambiauen damb es marchants per diuèrsi productes o neurituds de prumèr besonh, coma er òli, era sau o eth vin. Aguest espaci, non visitable, s’aprècie pera existéncia d’ua arratèra en tèrra.
