Centre d’Interpretacion der Art Rupèstre Montanhes de Prades

Eth miei fisic dera Conca

Eth miei fisic des Montanhes de Prades (era Conca de Barberà).

Eth miei fisic des Montanhes de Prades (era Conca de Barberà).

Ací s’expliquen es caracteristiques deth relèu, eth clima e era aigua, atau coma es diferenti ambients que senhoregen ena Conca. Era comarca a ua superfícia de 648,9 km2 e ei dividida en tres granes unitats geografiques: es planastèus dera Baisha Segarra, era Conca estricta e es montanhes de Prades.

Eth relèu ei mercat pes elevacions des sèrres de Prades e de Miramar, que barren era comarca peth sud e eth sud-èst.

Eth clima ei influït pera mar Mediterranèa. Ei de tipe sec subumid, damb petites variacions enes montanhes de Prades e planastèu dera Baisha Segarra.

Eth hilat idrografic dera Conca de Barberà ei format principaument per dus arrius, eth Francolí e eth Gaià. Eth Francolí nèish enes montanhes de Prades. Es sòns afluents principaus son er Anguera, er arriu dera Val e eth Brugent.

Es ambients dera Conca son forestaus, arbustius e de ribèra, damb predominança des bòsqui de pin blanc, eusedes e cassenhaus; rupicòles e baumassèrs, formadi per malhoquères, tartèrs e cauves, refugi de ludèrts, cernalhes, audèths e arrata-caudes; ruraus e agricòles, e antropics, un des ambients mès caracteristics dera comarca, generaument enrodadi de bòsqui e petiti nuclèus abitadi.

scroll to top icon