Cercaire de musèus e localitats

Centre d’Interpretacion 115 Dies

115 dies de combats

Milèrs de projectils semièren de mòrt e destruccion er immens camp de batalha der Èbre.

Milèrs de projectils semièren de mòrt e destruccion er immens camp de batalha der Èbre.

Era iniciativa republicana auie estonat es comandaments franquistes, mès aguesti reaccionèren plan lèu. Franco volie recuperar eth terren perdut a tot prètz e presentèc ua batalha sense estauviar òmes ne mejans. En un terren redusit ère concentrat çò de milhor dera armada republicana. Deishèc de costat autes alternatives; prumèr se tractaue d’estronhar er enemic, dempús de guanhar era guèrra. Era superioritat aeriana e artilhèra des nacionaus, e es granes resèrves d’òmes e materiau, les dauen un credit inagotable. Solament dempús de set contraofensives e 115 dies de combats artenheren eth sòn objectiu.

Abans de cada contraofensiva, era aviacion franquista punie es defenses republicanes pendent ores. Maugrat era intensitat des bombardaments, es posicions republicanes èren fòrça malaisides d’ocupar, sigue pr’amor qu’era orografia les beneficiaue, sigue pr’amor qu’eth sistèma de trincades e defenses qu’auien bastit ère fòrça malaisit de despassar. Per açò era progression franquista siguec fòrça lenta. Bères nautors s’arribèren a conquerir e a pèrder enquia ueit còps en un madeish dia.

Ara crudelitat e era violéncia dera luta s’i somauen es extrèmes condicions en qué combatien es soldats, en un terren asprut e canís que dificultaue enòrmament eth traslat de heridi e era reposicion de municions. Era batalha siguec, sense dobte, era mès dura e sagnanta de tota era Guèrra Civiu.

scroll to top icon