Detalh der ipocaust des banhs meridionaus deth conjunt de Centcelles.
Centcelles disposaue de dus ensems de banhs. Es meridionaus èren formadi per ua estança cauda (caldarium), damb dues petites banhères, e ua estança hereda (frigidarium) dotada d'ua piscina. Ath cant d'aguesta se trapauen es latrines. Er aire se cauhaue laguens d'un horn plaçat en oèst e circulaue peth dejós deth pasiment a trauès d'ua cramba (hypocaustum), qu'encara se'n consèrven quauqui arcs de sosteniment. Es banhs occidentaus son de dimensions mès granes e consèrven ua part deth traçat e er arringament dera cobèrta. Coma en cas anterior, eth horn cauhaue es estances caudes (caldarium e tepidarium) e es sues respectives banhères. Eth frigidarium, qu'aucupaue era part mès septentrionau der ensems, non se pòt veir actuaument.
