Tarde de ploja, tanben nomentada Eth pòrge deth jardin, Santiago Rusiñol, 1889. Òli sus tela, 124 × 68,5 cm. Bibliotèca-Musèu Víctor Balaguer.
Santiago Rusiñol i Prats (Barcelona, 1861 - Aranjuez, 1931) pintèc aguesta òbra pendent eth viatge que hec damb carro per Catalonha amassa damb Ramon Casas. Aguest òli s’expausèc ena Sala Parés eth 1890, amassa damb era òbra Era veuda de Ramon Casas e d’autes òbres d’artistes modernistes. Just dempús, es madeishi autors les dèren a Víctor Balaguer pr’amor que les incorporèsse ara Bibliotèca-Musèu Víctor Balaguer.
Aguest òli ei un exemple deth naturalisme rurau, quiet e un punt malencòni. Presente ua atmosfèra grisa e heireda que hè a brembar eth climat d’ua ciutat que fascinaue ar autor, París.
