Es artistes dera ciutat ocupen dus espacis deth musèu. D’un costat, era sala dedicada as òbres que decoraven es parets der ancian cafè dera societat Foment Vilanoví, cedides en depaus dempús der an 1972. Es pintures muraus d’aguest conjunt, que representen diferenti endrets e tradicions dera vila, sigueren executades er an 1925 per Joaquim Mir, impulsor deth projècte, amassa damb Enric Cristòfol Ricart, Alexandre de Cabanyes e Martí Torrents.
En aute espaci i a ua representacion des principaus artistes vilanovins dera prumèra mitat deth sègle XX. Entre es òbres exibides destaquen es que creèren es artistes dera Escòla de Vilanova, un grop de pintors locaus agolinadi ar entorn dera revista vilanovina Themis. Bèri uns, coma Rafael Sala e Enric Cristòfol Ricart, presentèren es sues prumères exposicions publiques ath costat de Joan Miró.