Cercaire de musèus e localitats

Bibliotèca-Musèu Víctor Balaguer

Un musèu deth sègle XIX

Fotografia dera Bibliotèca-Musèu Víctor Balaguer pòc dempús dera sua dubertura ath public.

Fotografia dera Bibliotèca-Musèu Víctor Balaguer pòc dempús dera sua dubertura ath public.

Era Bibliotèca-Musèu Víctor Balaguer neishec damb era volontat d’aufrir ath public era escadença de veir amassades es colleccions d’art, libres e etnografia que Víctor Balaguer auie acantierat. Mès tanben procedentes d’auti donacions, damb objèctes tant de Catalonha coma de cultures de pertot deth mon, hèt que hege vier part des sales en mòstres de curiositats exotiques as uelhs dera societat dera epòca.

Fondada er an 1884, coïncidís damb eth decènni dera nomentada Fèbre d’Aur, que en camp des arts e era museologia correspon ath periòde de recèrca e revaloracion des arts industriaus e eth dessenh.

Atau, es colleccions que Balaguer agolinec non se limitèren sonque ar art e ara literatura, peth contra se conformèc un important hons d’arqueologia, etnografia, artesania e arts decoratives e industriaus, ua miscellanèa fòrça preciosa e extraordinàriament interessanta.

Eth bastiment se concebec coma un temple classic coronat per ua copòla centrau e damb dues ales simetriques destinades respectivament ara Bibliotèca e ath Musèu. Siguec projectat per Jeroni Granell en un estil eclectic, caracteristic de finaus deth sègle XIX, damb elements decoratius neoegipcians e neogrècs. Siguec des prumèrs bastiments publics construïdi en Catalonha damb finalitats museïstiques.

scroll to top icon