Cercaire de musèus e localitats

Bibliotèca-Musèu Víctor Balaguer

Era seguida deth Musèu d’Art Contemporanèu de Barcelona

En espaci destinat ar art contemporanèu, i a pintura e escultura des environs deth 1960.

En espaci destinat ar art contemporanèu, i a pintura e escultura des environs deth 1960.

Er an 1956, se comence a gestar era creacion d’un Musèu d’Art Contemporanèu en Barcelona qu’auie de dar cabuda a era òbra de tota ua seria d’artistes emergenti que guanhauen prestigi, soent mès en estrangèr qu’en çò nòste.

Damb es figures de Cirici Pellicer e Cesáreo Rodríguez-Aguilera ath deuant, entre d’auti, s’elaborèc ua lista des artistes d’avantgarda que se considerauen indispensables e se les demanèc ua òbra. Aguesti responeren ar apèl en tot regalar-la dirèctament o en tot cedir-la en concèpte de depaus. I participèren autors catalans coma Guinovart, Tharrats, Ràfols-Casamada, Cuixart, Hernández Pijuan o Argimon; espanhòus coma Saura, Canogar o Zabaleta; e bèri estrangèrs qu’alavetz se trobauen en Barcelona, coma Bechtold, Tábara o Nadia Werba.

Entre 1960 e 1963 aguesta seleccion siguec expausada ath public ena copòla deth Coliseum (er actuau cinèma Coliseum dera Gran Via de Barcelona).

Es promotors dera aventura, en tot resistir-se a defalhir, aueren emmagazinades fòrça des òbres pendent ans en tot demorar de trobar-i ua naua gessuda. Eth Patronat dera Bibliotèca-Musèu Víctor Balaguer s’aufric a acuelher-les en castèth dera Geltrú, enquia qu’arribèren en madeish musèu, a on se tròben expausades aué en dia.

OBJÈCTES

<p><em>Univ&egrave;rs concentracionari</em>, Armand Cardona Torrandell, 1959. Aglomerat sus husta, 121&nbsp;&times;&nbsp;169&nbsp;cm. Bibliot&egrave;ca-Mus&egrave;u V&iacute;ctor Balaguer.</p>
Univèrs concentracionari
Univèrs concentracionari
<p><em>Nocturn des gats</em>, Rafael Zabaleta, 1956. &Ograve;li sus tela, 100&nbsp;&times;&nbsp;82&nbsp;cm. Bibliot&egrave;ca-Mus&egrave;u V&iacute;ctor Balaguer.</p>
Nocturn des gats
Nocturn des gats
scroll to top icon