Eth Musèu d'Art de Girona vos da era planvenguda tà un itinerari "En clau de hemna". Ua visita comentada ena colleccion permanenta deth musèu, en clau de genre, que vò méter en valor e difóner eth ròtle dera hemna ath long deth temps e se com er art n'a estat un reflèxe. Ath long d'aguest percors, repassaram era preséncia femenina enes òbres dera exposicion permanenta. Era guida s'a elaborat a compdar d'estudis e comentaris elaboradi per tres especialistes en recèrca sus es hemnes en encastres e subertot en periòdes diferenti der art e dera istòria.
Er itinerari comence enes sales deth Romanic e eth Gotic. Es comentaris qu'escotaram en aguestes seccions son basadi ena recèrca de Teresa Vinyoles, istoriana medievalista, professora dera Universitat de Barcelona, cofondadora deth Centre de Recerca de Dones Duoda e directora scientifica deth Diccionari Biogràfic de Dones.
Eth dusau tram der itinerari curbís era Renaishença e eth Barròc. Era nòsta guida entad aguesti periòdes a estat Sílvia Canalda, istoriana der art especializada en estudi dera imatge religiosa en epòca modèrna e professora dera Universitat de Barcelona.
Eth tresau tram der itinerari, en qué sautam tath sègle 19 e arribam enquias prumèri ans deth sègle 20, partís des comentaris d'Elina Norandi, istoriana der art especializada en perspectiva de genre e professora dera Escola Superior d'Art i Disseny Llotja de Barcelona. Eth Musèu d'Art de Girona a acuelhut diuèrses exposicions comissariades per Elina Norandi.
