Tibulatin n reqten wejdent ḥenja aḍewrent difiran
ⵜⵉⴱⵓⵍⴰⵜⵉⵏ ⵏ ⵔⴻⵇⵜⴻⵏ ⵡⴻⵊⴷⴻⵏⵜ ⵃⴻⵏⵊⴰ ⴰⴹⴻⵡⵔⴻⵏⵜ ⴷⵉⴼⵉⵔⴰⵏ
Lmazaya n ṭaqa hidrulikiyya aṛint Ter dijjen iɣzar n fabrikat. Zi rwest ner qarn XIX, aṭas n fabrikat d tibḥatin nifiran n wareqqeɛ (taxiyyat) xerqent x trufat eṇes, u manayeṇi yaṛa Manlleu d Osona ijjen lmintaqa sinaɛiyya. Can Sanglas d icten zi fabrikataya timezʷura. Di umcanaya amezwaru, i yeǧan di ṣefli n rebni, nzeṃar anwara tnayen n imucan n l'intaj n ṭaqa lhidrulikiyya ɛad xedmen: ijjen ṭurbin n Francis, item ṭajdid eṇes ḥenja atexreq tfawt, d ijjen ṭurbin Fontaine n usegʷas n 1860, ijjen zeg mutan n hidrulik imezʷura umi tegga instalasyun carika n Planas. Bifadl ijjen lɛamaliyya n ṭajdid, nzeṃar anzar lixtiraɛaya lhidruliki aneggaru ixeḍem, u ṭaqa i xeǧeq ṭejjaneɣ aneṣexdem ijjen lɛadad n macinat di lɛamaliyya n wareqqeɛ (taxiyyat) bifadl ijjen ṣistem n baṛat. Di umcanaya n lmaɛrid n rebda, nesfehham lɛamaliyya nufabrikar nifiran n reqten u nesbiyyand macinat n lɛamaliyya nufabrikar timezʷura: ccita/tamcet, mečera, areqqeɛ i wayetbeḍin, aqeḍuḥ n reɛbar nifiran..., aṭas ẓaysent tuɣa tfabrikant di fabrikat n weẓar n Manlleu u banent di lɛamaliyyaya nufabrikar.
ⴼⴰⴱⵔⵉⴽⴰ ⵏ ⵉⵖⵣⴰⵔ
ⵍⵎⴰⵣⴰⵢⴰ ⵏ ⵟⴰⵇⴰ ⵀⵉⴷⵔⵓⵍⵉⴽⵉⵢⵢⴰ ⴰⵕⵉⵏⵜ ⵜⴻⵔ ⴷⵉⵊⵊⴻⵏ ⵉⵖⵣⴰⵔ ⵏ ⴼⴰⴱⵔⵉⴽⴰⵜ. ⵣⵉ ⵔⵡⴻⵙⵜ ⵏⴻⵔ ⵇⴰⵔⵏ ⵅⵉⵅ, ⴰⵟⴰⵙ ⵏ ⴼⴰⴱⵔⵉⴽⴰⵜ ⴷ ⵜⵉⴱⵃⴰⵜⵉⵏ ⵏⵉⴼⵉⵔⴰⵏ ⵏ ⵡⴰⵔⴻⵇⵇⴻⵄ (ⵜⴰⵅⵉⵢⵢⴰⵜ) ⵅⴻⵔⵇⴻⵏⵜ ⵅ ⵜⵔⵓⴼⴰⵜ ⴻⵏⵏⴻⵙ, ⵓ ⵎⴰⵏⴰⵢⴻⵏⵏⵉ ⵢⴰⵕⴰ ⵎⴰⵏⵍⵍⴻⵓ ⴷ ⵓⵙⵓⵏⴰ ⵉⵊⵊⴻⵏ ⵍⵎⵉⵏⵜⴰⵇⴰ ⵙⵉⵏⴰⵄⵉⵢⵢⴰ. ⴽⴰⵏ ⵙⴰⵏⴳⵍⴰⵙ ⴷ ⵉⵛⵜⴻⵏ ⵣⵉ ⴼⴰⴱⵔⵉⴽⴰⵜⴰⵢⴰ ⵜⵉⵎⴻⵣʷⵓⵔⴰ. ⴷⵉ ⵓⵎⵛⴰⵏⴰⵢⴰ ⴰⵎⴻⵣⵡⴰⵔⵓ, ⵉ ⵢⴻⴵⴰⵏ ⴷⵉ ⵚⴻⴼⵍⵉ ⵏ ⵔⴻⴱⵏⵉ, ⵏⵣⴻⵎⵎⴰⵔ ⴰⵏⵡⴰⵔⴰ ⵜⵏⴰⵢⴻⵏ ⵏ ⵉⵎⵓⵛⴰⵏ ⵏ ⵍ'ⵉⵏⵜⴰⵊ ⵏ ⵟⴰⵇⴰ ⵍⵀⵉⴷⵔⵓⵍⵉⴽⵉⵢⵢⴰ ⵄⴰⴷ ⵅⴻⴷⵎⴻⵏ: ⵉⵊⵊⴻⵏ ⵟⵓⵔⴱⵉⵏ ⵏ ⴼⵔⴰⵏⵙⵉⵙ, ⵉⵜⴻⵎ ⵟⴰⵊⴷⵉⴷ ⴻⵏⵏⴻⵙ ⵃⴻⵏⵊⴰ ⴰⵜⴻⵅⵔⴻⵇ ⵜⴼⴰⵡⵜ, ⴷ ⵉⵊⵊⴻⵏ ⵟⵓⵔⴱⵉⵏ ⴼⵓⵏⵜⴰⵉⵏⴻ ⵏ ⵓⵙⴻⴳʷⴰⵙ ⵏ 1860, ⵉⵊⵊⴻⵏ ⵣⴻⴳ ⵎⵓⵜⴰⵏ ⵏ ⵀⵉⴷⵔⵓⵍⵉⴽ ⵉⵎⴻⵣʷⵓⵔⴰ ⵓⵎⵉ ⵜⴻⴳⴳⴰ ⵉⵏⵙⵜⴰⵍⴰⵙⵢⵓⵏ ⵛⴰⵔⵉⴽⴰ ⵏ ⴱⵍⴰⵏⴰⵙ. ⴱⵉⴼⴰⴷⵍ ⵉⵊⵊⴻⵏ ⵍⵄⴰⵎⴰⵍⵉⵢⵢⴰ ⵏ ⵟⴰⵊⴷⵉⴷ, ⵏⵣⴻⵎⵎⴰⵔ ⴰⵏⵣⴰⵔ ⵍⵉⵅⵜⵉⵔⴰⵄⴰⵢⴰ ⵍⵀⵉⴷⵔⵓⵍⵉⴽⵉ ⴰⵏⴻⴳⴳⴰⵔⵓ ⵉⵅⴻⴹⴻⵎ, ⵓ ⵟⴰⵇⴰ ⵉ ⵅⴻⴵⴻⵇ ⵟⴻⵊⵊⴰⵏⴻⵖ ⴰⵏⴻⵚⴻⵅⴷⴻⵎ ⵉⵊⵊⴻⵏ ⵍⵄⴰⴷⴰⴷ ⵏ ⵎⴰⵛⵉⵏⴰⵜ ⴷⵉ ⵍⵄⴰⵎⴰⵍⵉⵢⵢⴰ ⵏ ⵡⴰⵔⴻⵇⵇⴻⵄ (ⵜⴰⵅⵉⵢⵢⴰⵜ) ⴱⵉⴼⴰⴷⵍ ⵉⵊⵊⴻⵏ ⵚⵉⵙⵜⴻⵎ ⵏ ⴱⴰⵕⴰⵜ. ⴷⵉ ⵓⵎⵛⴰⵏⴰⵢⴰ ⵏ ⵍⵎⴰⵄⵔⵉⴷ ⵏ ⵔⴻⴱⴷⴰ, ⵏⴻⵙⴼⴻⵀⵀⴰⵎ ⵍⵄⴰⵎⴰⵍⵉⵢⵢⴰ ⵏⵓⴼⴰⴱⵔⵉⴽⴰⵔ ⵏⵉⴼⵉⵔⴰⵏ ⵏ ⵔⴻⵇⵜⴻⵏ ⵓ ⵏⴻⵙⴱⵉⵢⵢⴰⵏⴷ ⵎⴰⵛⵉⵏⴰⵜ ⵏ ⵍⵄⴰⵎⴰⵍⵉⵢⵢⴰ ⵏⵓⴼⴰⴱⵔⵉⴽⴰⵔ ⵜⵉⵎⴻⵣʷⵓⵔⴰ: ⵛⵛⵉⵜⴰ/ⵜⴰⵎⵛⴻⵜ, ⵎⴻⵞⴻⵔⴰ, ⴰⵔⴻⵇⵇⴻⵄ ⵉ ⵡⴰⵢⴻⵜⴱⴻⴹⵉⵏ, ⴰⵇⴻⴹⵓⵃ ⵏ ⵔⴻⵄⴱⴰⵔ ⵏⵉⴼⵉⵔⴰⵏ..., ⴰⵟⴰⵙ ⵥⴰⵢⵙⴻⵏⵜ ⵜⵓⵖⴰ ⵜⴼⴰⴱⵔⵉⴽⴰⵏⵜ ⴷⵉ ⴼⴰⴱⵔⵉⴽⴰⵜ ⵏ ⵡⴻⵥⴰⵔ ⵏ ⵎⴰⵏⵍⵍⴻⵓ ⵓ ⴱⴰⵏⴻⵏⵜ ⴷⵉ ⵍⵄⴰⵎⴰⵍⵉⵢⵢⴰⵢⴰ ⵏⵓⴼⴰⴱⵔⵉⴽⴰⵔ.
