Eth Musèu dera Vida Rurau siguec fondat er an 1988 damb era volontat de preservar e difóner era coneishença deth mon rurau. Era importància dera pagesia e es mestièrs complementaris, dera cultura, des arts, des costums dera vida tradicionau… Se religuen damb un discors que destaque valors coma er esfòrç, era paciéncia o er estauvi, e permet ath visitaire hèr un recorrut a trauès deth temps, enquiara actualitat e eth futur mès immediat, en tot veir es grani cambiaments produsidi en camp es darrèri cent ans.

Er an 2009 eth MVR s’agranic e renauic eth discors museografic. Naues tecniques audiovisuaus permeten conéisher eth nòste passat d’ua manèra mès propèra, dinamica e pedagogica.

Eth MVR ei un centre culturau de referéncia a on se programen setmanaument activitats culturaus e exposicions temporaus. Eth musèu a un espaci online dedicat ara educacion. Se pòt consultar era aufèrta pedagogica a trauès d’Internet.