Er an 2001 s’inície eth projècte d’aguest musèu, que nèish damb era volontat de preservar e difóner eth patrimòni idroelectric dera Vall Fosca, e qu’ei situat en complèxe idroelectric dera Centrau de Capdella, ath nòrd dera val.

Eth 2005 se daurís ath public eth prumèr espaci, era sala Emili Riu, e eth 2012 eth segon, era sala EEC.

Es visitants pòden descorbir eth procès d’electrificacion en Catalonha e enténer es impactes sociaus e economics que patic aguesta luenhenca val a compdar de 1911, quan s’inícien es òbres de construccion d‘ua centrau idroelectrica.

Era visita ath musèu se complemente damb un recorrut per espaci exterior e damb ua visita ara centrau idroelectrica, era prumèra grana centrau que se metec en marcha en Catalonha. Ena val i a cinc centraus idroelectriques, era prumèra de 1914 e era darrèra de 1985.

Eth musèu forme part deth hilat tematic deth Museu Nacional de la Ciència i de la Tècnica de Catalunya e deth hilat territoriau des Musèus deth Naut Pirenèu e Aran.