Es hons deth musèu son formadi per colleccions de pintura murau, pintura dessús de husta, escultura, teishits, indumentària, hons documentau, orfebreria e objèctes entara litúrgia en generau. Es pèces, procedentes de tota era diocèsi, corresponen as estils romanic, gotic, renaishentista, barròc e sègle XIX. Destaquen es pèces que formauen part deth Tresòr dera Catedrau, com eth calze der avèsque Galceran de Vilanova o eth Beatus de Liébana, còdex deth sègle X, conservat en archiu deth capitòl.

Eth Museu Diocesà d'Urgell neishec a compdar d’ua exposicion temporau que se hec er an 1957 damb es pèces deth Tresor dera Catedrau. Era bona acuelhuda d'aguesta exposición dèc pè ara creacion deth musèu, que progressivament anèc incorporant pèces des parròquies de per tot er avescat. En 1988 s’agranic e reformèc damb era incorporacion dera antica casa deth deganat. Actuaument se traballe entà modernizar era museografia e dotar eth conjunt catedralici d’un nau discors.