Eth Museu del Mar ei era pòrta d’entrada en MOLL (Museu Obert de Lloret). Era sedença d’aguest centre culturau ei Can Garriga, ua casa indiana de tres plantes damb grana valor istorica e patrimoniau qu’er Ajuntament aqueric er an 1981.

Eth musèu compde damb ua importanta colleccion de maquetes navaus, qu’es expèrts qualifiquen d’extraordinària, e ua auta d’objèctes e materiaus restacadi damb eth mon dera vela, que contribuïssen ara comunicacion dera cultura e dera istòria de Lloret.

Era visita ath musèu ei com un viatge, que comence damb es rebrembes d’ua relacion que se pèrd en temps, a on Lloret e eth mar se guarden. Continue damb es viatges e eth comèrç de cabotatge pera Mediterranèa e es granes aventures des pilòts e navegants de Lloret.

Se barre damb era desaparicion d’aguesti grani viatges a mans deth vapor, era pèrta des colònies en 1890 e era tornada des que se n’anèren, quauqu’uns damb fortuna. Entà acabar, se mòstre tot aquerò qu’aguesti hèts an deishat ena vila en forma de patrimòni.